Finndu þinn lífskraft:

Lífskraftur

Snjódrífurnar standa að baki góðgerðarfélaginu Lífskraftur en markmiðið er að safna fyrir krabbameinstengdum verkefnum og hvetja til útvistar.

Saman getum við útrýmt leghálskrabbameini á Íslandi!

Lífskraftur hefur hrundið af stað átaki sem miðar að því að útrýma leghálskrabbameini á Íslandi í samstarfi við Krabbameinsfélag Íslands og 66°Norður

Ísland getur orðið fyrsta land í heimi að útrýma sjúkdómnum. og Leghálskrabbamein er enn orsök dauðsfalla meðal íslenskra kvenna, þrátt fyrir að með skimun og bólusetningu sé raunhæft að koma í veg fyrir nánast öll tilfelli sjúkdómsins. Árlega greinast um 20 konur og  3-5 konur deyja úr sjúkdómnum. Með markvissu átaki sem nær til þeirra sem ekki hafa fengið bólusetningu og með aukinni vitundarvakningu er hægt að taka afgerandi skref í þá átt að tryggja að engin kona þurfi að deyja úr leghálskrabbameini.

Markmið átaksins

●      Safna fyrir bóluefnum fyrir þá árganga sem enn eru óbólusettir, konur á aldrinum 25-37 ára, og stuðla að því að allar konur fái vörn.

●      Auka vitund og hvetja konur til reglulegrar skimunar, fara í bólusetningu og að hlúa að eigin heilsu.

●      Sameina krafta samfélagsins – heilbrigðisyfirvöld, félagasamtök og almenning – í sameiginlegri baráttu sem varðar líf og heilsu kvenna á Íslandi.

Leggöngur um land allt – 4. október

Hápunktur átaksins verður Leggangan, sem fer fram 4. október 2025. Þá leiða Snjódrífur yfir hundrað konur í göngu að fjallinu Kerlingu í Kerlingafjöllum. Konur og karlar um land allt eru hvött til að ganga sínar eigin Leggöngur sama dag og þannig sýna samstöðu í baráttunni.

Þann 3.–5. október 2025 verður haldin einstök Lífskraftshelgi í Kerlingafjöllum, þar sem hápunkturinn er Legganga sem er leidd af Snjódrífunum. Markmiðið með Leggöngunni er að taka stór, sameiginleg skref í baráttunni gegn leghálskrabbameini – með valdeflingu, vitundarvakningu og nærandi tengingu við náttúruna og aðrar konur.

Fyrir hverja er Lífskraftshelgin? Fyrir þig – sem vilt næra þig í náttúrunni, styrkja líkamann, hlúa að sálinni og styðja við mikilvægt málefni. Hvort sem þú kemur ein eða með vinkonu, þá verður þú hluti af mögnuðum hópi Lífskraftskvenna sem standa saman í að styðja við málefni sem öllum konum er kært. Þátttakendur gista í Kerlingarfjöll Highland Base í tvær nætur og taka þátt í Leggöngu á laugardeginum 4. október. Leggangan er í samstarfi við Bláa lónið og 66°Norður.

Hér getur þú skráð þig í Lífskraftshelgina í Kerlingafjöllum: Highland Base at Kerlingarfjöll

Frekari upplýsingar varðandi Lífskraftshelgina:

Hvernig er hægt að styðja við átakið?
Taka þátt í eða skipuleggja Leggöngu þann 4. október.
Kaupa bleiku Lífskraftstöskuna, sem framleidd er af 66°Norður – fáanlega í vefverslun 66°Norður. Allur ágóði rennur í söfnunina.
Mæta í reglulega skimum og bólusetningu þegar þú færð boð!

Hægt er að styðja við átakið beint með fjárframlögum: 0133-26-002986, kt. 501219-0290, eða með AUR app­inu í síma 789 4010.

 
 
 
 

Sirrý

Sirrý stofnaði Lífskraft ásamt Snjódrífunum til að fagna þeim tímamótum að hafa sigrast á krabbameini en hún greindist með leg­hálskrabba­mein 2010 og aft­ur 2015. Sirrý hefur fundið sinn lífskraft á fjöllum og vil hvetja fólk um land allt til að fara út að ganga og upplifa orkuna frá náttúrunni sem hún telur vera heilandi. Lífskraftur heldur úti síðunni Lífskraftur og Minn lífskraftur á Facebook.

 
 

Lífskraftsgöngur Snjódrífa

Snjódrífurnar hafa staðið fyrir Lífskraftsgöngum til að safna áheitum fyrir krabbameinstengd verkefni, stuðla að vitundarvakiningu og að hvetja fólk til útivistar. Að ganga upp á fjall og berjast við krabbamein eru ólíkar áskoranir, en hvort tveggja eru leiðangrar  sem eiga það sameiginlegt að til þess að sigrast á þeim þarf að taka eitt skref í einu. Með göngunni yfir Vatnajökul og upp á hæsta tind landsins vildi Sirrý sýna á táknrænan hátt að hægt er að leysa úr erfiðum verkefnum ef hlúð er vel að huga og líkama og tekið er eitt skref í einu. Snjódrífur vilja hvetja fólk að fara í sínar eigin lífskraftsgöngur.

Snjódrífurnar þveruðu Vatnajökul frá vestri til austurs um 160 km leið til styrktar Lífskrafti árið 2020. Árið 2021 gengu Snjódrífurnar í krafti 126 kvenna upp á hæsta tind landsins Hvannadalshnjúk, eða Kvennadalshnjúk eins og hann var kallaður í þeim leiðangri. Árið 2022 vor Lífskraftsgöngur smærri í sniðum víða um land, meðal annars á Akrafjall, Súlur og Sjónfríð á Glámuhálendi. Árið 2023 gengu Snjódrífur ásamt 130 konum upp á Brennisteinsöldu á hálendinu í svokallaðri Leggöngu og stóðu fyrir sölu á Leggöngupeysum til styrktar átakinu. Árið 2024 var haldinn Lífskraftsdagur við Helgafell í samstarfi við Hafnarfjarðarbæ, Krabbameinsfélagið og 66°Norður. Fjölmörg mættu og tóku þátt í alls konar hreyfingu og studdu verkefnið með kaupum á Lífskraftspeysum.

Snjódrífurnar skipa auk Sirrýar; Vil­borg­ Arna Gissurardóttir, Bryn­hild­ur Ólafsdóttir, Anna Sig­ríður Arn­ar­dótt­ir, Birna Braga­dótt­ir, Heiða Birg­is­dótt­ir, Anna Kristín Kristjánsdóttir, Bára Mjöll Þórðardóttir, Hulda Bjarnadóttir, Hólm­fríður Vala Svavars­dótt­ir, Hulda Hjálm­ars­dótt­ir, Kar­en Kjart­ans­dótt­ir, Soffía S. Sig­ur­geirs­dótt­ir og Þórey Vil­hjálms­dótt­ir Proppé.

Lesa meira
 
 

Minn lífskraftur

Snjódrífur hvetja konur og karla um land allt til að ganga og taka þátt í Lífskraftsgöngu í sinni heimabyggð og finna sinn eigin lífskraft. Segðu okkur hvar þú finnur þinn lífskraft á Minn lífskraftur á Facebook. https://www.facebook.com/groups/minnlifskraftur/

 
 

LEGGANGA - 2025

Snjódrífurnar munu leiða LEGGÖNGU á hálendinu 3. -5. október. Markmiðið með Leggöngunni er að taka stór, sameiginleg skref í baráttunni gegn leghálskrabbameini – með valdeflingu, vitundarvakningu og nærandi tengingu við sjálfa okkur og aðrar konur. Hægt er að bóka hér; Highland Base at Kerlingarfjöll

 
 

Þinn stuðningur skiptir máli!

Markmið Leggöngunnar – stór skref fyrir heilsu og framtíð kvenna

Leggangan er meira en gönguferð á fjall. Hún er táknræn og sameiginleg aðgerð þar sem við tökum stór skref í baráttunni gegn leghálskrabbameini, bæði með fjáröflun, vitundarvakningu og valdeflingu. Leggangan er í senn persónuleg og samfélagsleg – hver kona gengur fyrir sig sjálfa, en saman göngum við fyrir heilsu og framtíð allra kvenna.

Hægt er að styðja við átakið með því að leggja inn á reikn­ing 0133-26-002986, kt. 501219-0290, eða með AUR app­inu í síma 789 4010.

#Lífskraftur #Snjódrífur

 
 
Untitled-3.jpg
 

Bakhjarlar Lífskrafts

Það er gríðarlega mikilvægt að fá stuðning frá öflugum bakhjörlum í svona stóru verkefni eins og Lífskraftsverkefnið er.

66°Norður - hefur framleitt skjólfatnað fyrir veðurfar á norðurslóðum í 90 ár og þekkir því vel aðstæður og veðurskilyrði á jökli. Góður skjólfatnaður skiptir höfuðmáli í svona leiðangrum. 66° Norður er aðalbakhjarl Lífskrafts og styður Lífskraftsgöngur Snjódrífa. www.66north.is

Lífskraftur í samstarfi við 66°Norður standa á bak við sölu á bleiku Lífskraftspeysunni. Allur ágóði af sölunni rennur til forvarnarverkefna á vegum Krabbameinsfélagsins.

Kerlingafjöll - Highland Base

Ævintýralegur áfangastaður á miðhálendi Íslands. Kerlingarfjöll eru fjallgarður mitt á hálendi Íslands þar sem tilkomumikil náttúra er við hvert fótmál. Rjúkandi jarðhitasvæði og hrímkaldar jökulár, í bland við snæviþakta fjallstinda og stórbrotna útsýnisstaði. https://kerlingarfjoll.is/

 

Samstarfsaðilar

Everest útivistarverslunin er samstarfsaðili Lífskrafts. Jöklabúnaður Snjódrífanna fæst í Everest.

Skráning

Sendu okkur upplýsingar um þína Lífskraftsgöngu ásamt mynd og segðu okkur þína sögu. lifskraftur2020@gmail.com

stuðningur

Stuðningur þinn skiptir máli - Hægt er að styðja við Lífskraft með því að leggja inn á reikning 0133-26-002986 - kt. 501219-0290, eða með AUR appinu í síma 789 4010.