Lífskraftsgöngur - Legganga

Legganga á hálendi Íslands til stuðnings konum sem þurfa að takast á við ófrjósemi í kjölfar krabbameinsmeðferðar!

Þann 7. og 8. október munu rúmlega hundrað konur taka þátt í Lífskraftsstyrktargöngu á hálendinu með Sirrý og Snjódrífunum til stuðnings konum sem þurfa að takast á við ófrjósemi í kjölfar krabbameinsmeðferðar. Á laugardeginum verður gengin fyrsta Leggangan á hálendinu um norðurbrúnir Landmannaöskjunnar og uppgöngu á sjálfa Háölduna sem rís um 1150 m yfir sjávarmál og er hæsta fjallið á Landmannalaugasvæðinu. Um er að ræða 16 km göngu með ríflega 1000 metra hækkun um fáfarnar slóðir í litadýrð Landmannalauga sem fær heitið Leggangan með vígsluathöfn í upphafi göngu. Á sunnudeginum verður farið í skógarferð þar sem gengið verður um leynda skógarstíga í Þjórsárdalnum. Markmiðið með söfnuninni er að styðja við konur þannig að þær geti farið í eggheimtu meðferð og fengið sálfræðiaðstoð. Árlega greinast um 80 konur á barneignaraldri með krabbamein hér á landi.

Leiðangursstjóri Lífskraftsgöngunnar er Brynhildur Ólafsdóttir Snjódrífa og leiðangurskona. Aðrar Snjódrífur munu eftir fremsta megni sjá um stuð og pepp! Allur ágóði af ferðinni rennur til Lífskrafts.

Snjódrífur ganga í krafti 130 kvenna Leggöngu á hálendinu til styrktar Lífskrafti. Skráning í gönguna er á FB síðu átaksins https://www.facebook.com/lifskraftur2020